Hafnar.space er sýningarstýrt sýningarrými fyrir listafólk sem sýnir framsýna, gagnrýna, tilraunakennda list.

Við höfum sérstakan áhuga á list sem á í samtali um og við vistfræði, heimspeki, vísindi, tæknigeirann, pósthúmanisma og siðfræði. Við trúum á list og hönnun sem verkfæri til samfélagsrýnis og mótun framtíðarinnar á síbreytilegum tímum.

Sýningartímabil

Sýningar eru almennt vika, frá fimmtudegi til miðvikudags. Sýningum verður úthlutað á tímabilinu september 2026 til janúar 2027.

Sýningargjald

Hafnar.space rukkar 16.000 kr sýningargjald og tekur 15% söluþóknun af verkum (ef verk eru til sölu) til að standa undir grunn kostnað við rekstur (sparsl, málning, prent, vefsíða).

Staðsetning

hafnar.space er inn af mötuneyti hafnar.haus, sem er vinnustofurymi og samfélag skapandi fólks á 2.-4. hæð á Tryggvagötu 17. Ekki er nauðsynlegt að vera meðlimur í hafnar.haus til að sækja um að sýna í hafnar.space, en ákveðinn fjöldi sýningartækifæri verður frátekinn fyrir meðlimi.

• Ekki er nauðsynlegt að vera meðlimur í Hafnar.haus til að sækja um að sýna í Hafnar.space en ákveðinn fjöldi sýningartækifæra verða frátekin fyrir meðlimi.

• Rýmið hentar vel undir myndlistar- og hönnunarverk í flestum miðlum en við erum opin fyrir verkum / hugmyndum utan svið myndlistar og hönnunar (tónlist, kvikmyndir, tölvuleikir, digital verk, ritverk, hvaða form sem þín list tekur)

• Hægt er að sækja um sem einstaklingur eða hópur. 

• Sýningarstjórar munu í einhverjum tilfellum velja listafólk inn í samsýningar.

• Takmarkað pláss er í boði og ekki er öruggt að öll sem sækja um komist að í þessari umferð sýninga.

Sýningartillögu skal skila inn í eyðublaðið hér fyrir neðan. Þar skal hengja við EITT skjal sem PDF þar sem eftirfarandi upplýsingar koma fram:

Sýningartillaga skal innihalda:

• 100-200 orð um reynslu listamanns/listhóps

• 100-300 orð um innihald og bakgrunn sýningarinnar

• 3-10 sýnishorn af fyrri verkum og skissur af sýningu eftir því sem á við

• Ferilskrá allra umsækjenda